袁詠儀趕飛機捧周旋

大陸新十大女高音歌唱家周旋昨日舉行演唱會，藝人袁詠儀（靚靚）、諸葛紫岐、呂晶晶及莊端兒等到場欣賞。靚靚與周旋分屬友好，特意由上海趕飛機回港：「呢位小姐之前生小朋友好多嘢都唔識，又睇唔適合嘅醫生，大家初次見已經覺得好啱傾，介紹我睇開嘅醫生畀佢，所以做咗好朋友，佢先生又好好人。（佢先生喺做咩工作？）做大生意。」靚靚得知周旋會獻唱廣東歌《萬水千山總是情》感到非常驚訝，亦十分期待。可會跟對方學唱歌？靚靚說：「我聲大啫，自己都冇咩興趣學。」