Lea T. 氹情人 bra辣自信
霍啟山前緋聞模特兒女友Lea T.，擁有高挑勻稱身形，從不吝惜展示美好身段。情人節臨近，自爆有追求者的她，認為一件合適自己的內衣絕對能增加魅力，她笑言家中有多款不同款式、顏色的內衣，以備不時之需，因為緣分隨時會來呢！
單身的外籍女模Lea T.今年情人節絕不孤單，因她自爆已有追求者，作為女性如何提升自己的吸引力？她認為自信很重要，而內衣最能讓女性散發美妙的化學作用：「大部分男人都會鍾意性感嘅女人，性感係一種自信，唔需要真係好性感，我成日都會買泳衣同內衣，我起碼有七十套泳衣，因為我鍾意海，喺歐洲好多人都淨係一個bra top襯牛仔褲！」
最愛黑色誘惑
因工作需要常穿內衣的Lea T.說：「我有唔同類型嘅bra，內衣最緊要係舒服自然，好似簡單嘅黑色喱士已經好有味道，我唔鍾意push up bra，太誇張就太做作。（可有男朋友送內衣給你？）有試過，不過我畀番佢，因為內衣一定要試上身，就好似女人唔應該送車畀男仔一樣。」
時刻保持狀態
那是否換新男友就要換一個新bra？Lea T.笑言不需要：「自己平日見到啱嘅內衣就會買，因為隨時都可能會有用，哈哈……。（情人節會預備性感內衣嗎？）或者會買件紅色嘅，其實所有顏色同款式嘅內褲我都有，我只需要買合適嘅top就得，因為唔同嘅伴侶，有唔同嘅style。女人要時刻保持最佳狀態，我成日都會睇吓啲top model點行騷，學吓佢哋嘅神情，做個有自信嘅女人！」
文：名人組