溫超 向殷雪糕調情當街咀爆
因扮周星馳成名的溫超近日拍微電影時獲「翻版高海寧」向殷（Cecilia Bear）以34D咪咪胸壓，豈料一壓壓出火，二人一撻即着！日前凌晨溫超和Cecilia親暱行街兼在便利店餵食雪糕調情，其後更行到公園坐低談心。溫超脫下外套披在Cecilia身上，但自己卻太凍要做掌上壓暖身。運動一番後溫超即送上禮物，更施展「牆壁咚」冧女，成功生擒Cecilia！二人情到濃時，激情連環咀足三次！投入咀嘴期間，Cecilia竟跌掉手上禮物，俯身執拾時34D上圍一覽無遺！
「幾鍾意佢」
事後問到溫超啜爆街頭一事，他大耍太極說：「之前有同佢合作微電影，你睇我套微電影喇！（面對佢嘅34D上圍有冇窒息？）佢平時都好性感嘅，咁都會心跳加速！望又唔係唔望又唔係！」問到是否睇中對方身材，他說：「咁佢除咗身材好之外，據我所知佢係一個好善良嘅女仔，16歲就出嚟自己生活！香港女仔嚟講我覺得少有囉！我都幾鍾意佢，（發展空間？）要睇對方睇法喇！」
惜神女無夢
但Cecilia似乎對戀情持觀望態度：「依家都係以工作為先，其他嘢遲少少先諗！」不過據知情者透露當日為Cecilia的21歲生日派對。而Cecilia曾與「鴨王」Dominic私交甚篤，Dominic更曾到訪女方香閨玩狗！而早前27歲生日的溫超，日前獲電影劇組人員及王祖藍預備生日蛋糕慶祝，令溫超即時「眼濕濕」，場面感人。
文：專案組