朱咪咪獲馬德鐘撐場 叔嫂相認

朱咪咪前晚於紅館舉行一連兩場「朱咪咪我做晒演唱會－香港站」的頭場，期間咪咪姐驚爆與馬德鐘的堂叔嫂關係！以嘉賓身份出場的馬德鐘，先唱出《想你》和電視劇《飛虎II》的主題曲，咪咪姐上台後，馬德鐘突然稱呼咪咪姐做阿嫂，兩人客氣推搪幾句後，咪咪姐自爆：「真叔仔嚟o架！但咁多年嚟只合作過一套劇，仲要冇對手戲。」兩人公開相認後又即場合唱《相逢何必曾相識》。

扮韓妹似骾親

自稱「特約」演員的咪咪姐又與嘉賓好友胡楓（修哥）及譚炳文（炳哥）即場上演韓劇「來自紅館的你」！梳着「都敏俊頭」的兩人一登場，化身「韓妹」的咪咪姐即狂叫「Oppa」、「哦督茄」及「骾親那」，令兩位「都教授」不禁笑說：「個肥婆叫緊我哋，佢好似骾親，仲講粗口添！」咪咪姐又走上前邊為修哥抹口水邊說：「你次次見親我都流口水，你啱先上嚟嗰時我個心卜卜聲咁跳！」修哥即回應說：「唔跳就大鑊喇！」

修哥和炳哥齊齊梳「都敏俊頭」放笑彈。

頻頻收禮的咪咪姐獲觀眾贈利是。

攝「大牛」入胸前

換上藍色公主裙再次登台的咪咪姐突然鄧麗君「上身」，以鄧小姐的唱腔演繹《在水一方》，又自嘲把聲太粗：「第一次喺台上面唱鄧麗君嘅歌，其實我把聲咁粗，應該係唱徐小姐（徐小鳳）嘅歌，不過經過我長時間研究，只要控制好面部肌肉，同埋有甜美嘅笑容，把聲就會好甜美o架喇。」再唱幾首鄧小姐的金曲後，咪咪姐突然回復「粗豪」，說要保持甜美的笑容實有難度，期間有觀眾遞上一張500元港幣給咪咪姐，她即說：「你依家攞錢撻我啊？撻我都用隻色揚啲吖！」但咪咪姐仍豪爽地將「大牛」攝到胸前。

另外，咪咪姐呼籲歌迷保留票尾，可得餅家及床上用品折扣優惠，詳情留意今日《東方日報》。

文：音樂組