阿倫展金嗓樂手敲不停

樂壇校長譚詠麟(阿倫)過去推出無數經典唱片,為慶祝入行40周年,唱片公司為阿倫實現少時夢想,斥資200萬前往音樂之都的維也納錄製《銀河歲月》專輯,阿倫的巨星級演繹令現場一班世界級頂尖樂手都極之欣賞「敲聲雷動」。

阿倫表示當日向唱片公司提出一個從小的夢想,便是在音樂之都維也納與管弦樂團合作灌錄唱片,因為製作費不少,所以,他沒想過唱片公司會答應去做,阿倫坦言:「成200萬,我都同Duncan(環球高層)講,如果計唔掂數就唔好搞,可以做第二啲嘢,但Duncan好認真亦好想幫我做。」難得校長開聲,公司不敢托手(月爭)?阿倫笑謂:「因為我同公司都咁多年,公司都應該為我做番啲嘢。」

緊張過開騷

至於新碟巴閉之處,阿倫率領香港的攝製隊、樂手及工程師一行十多人遠赴維也納,與世界頂級管弦樂團合共近百人,為專輯內18首歌曲進行高質素的現場錄音及拍攝工作,為隆重其事阿倫事前更熨靚套「踢死兔」禮服,以最佳狀態演繹。雖然阿倫有無數的演出經驗,卻仍有一絲緊張:「未出去錄之前心情係緊張,緊張過開演唱會。」

靚景拍MV

阿倫坦言:「佢哋唔會知呢個東方面孔嘅歌手係邊個,雖然我都有自我介紹,但始終對我都係好陌生,好彩錄完晒咁多首歌後,大家都對我好認同,佢哋管弦樂有個禮儀,就係用條『拉弓』不停敲打個樂譜或者弦線,嚟代表對我嘅欣賞。」阿倫覺得由他們不認識自己,到認同他的音樂,有一份滿足又榮幸的感覺。

完成錄音工作可有順道旅遊?阿倫笑道:「我哋係上年八月去,當時天氣好好,多瑙河風景最正,開頭諗住有一日free嘅,但最後都用埋嚟拍MV,一拍就拍咗5首,見到咁多靚景真係唔好嘥咗佢嘛。」

文:音樂組