Lea T.半裸度假
霍啟山緋聞女友、斯洛伐克女模Lea T.早前與男友及友人到泰國旅行，熱愛陽光與海灘的她坐遊艇出海尋找無人島，穿上比堅尼暢泳外，並來個大解放，以半裸上陣影火辣靚相，問到是否由男友操刀？她否認：「係由我嘅女性友人影，因為我覺得男仔唔識影，我覺得啲相唔係性感，而係好有藝術性。」
至於是次旅程最難忘是遇到美國樂壇天后Beyonce及其丈夫Jay Z，她大讚兩人友善，像普通人一樣享受假期，問她可有把握機會合照？Lea坦言：「我哋有合照，不過同佢哋有個君子協定，就係唔會將合照放上社交平台。」
