陳君宜月底剖腹生B仔

身為新手媽咪的陳君宜（Qinnie）日前仍忙於購買嬰兒用品，到店內四圍行逛，睇BB車及睡床時，亦仔細研究功能及設計。她稱由於是第一胎，故仍有很多用品要添置，並笑言回想最初懷孕時走進嬰兒用品店，她連要買甚麼也沒概念，簡直一頭霧水。

擔心會早產

Qinnie透露腹中寶寶是男仔，但就大感在港買BB衫選擇不多：「男仔衫唔係藍就灰，真係好悶，所以我會喺網上買，我都有買紅色衫畀囝囝。」她稱原有意順產，但最後決定擇日開刀，不過開刀日期與預產期相當接近，故Qinnie十分擔心會早產，她說：「我依家唔敢郁咁多，因為怕早產，所以盡量行少啲，前幾日肚痛，我以為生得，睇醫生話未生得住，開咗啲安胎藥畀我食。」

網站正轉型

而一直有搞時裝網站的她表示近月已停工，專心待產，又指最近網站開始轉型，不再只賣時裝：「我哋搵咗唔同品牌喺網站寄賣，除咗時裝，仲有嬰兒用品、食品、酒、家庭用品都有。」她坦言自從成為媽咪後，發現原來嬰兒及兒童產品是一大巿場，比起女裝還更有巿場！

陳君宜研究ＢＢ車，相當認真。	陳君宜獲老公鄭躬明呵護備至。	早前一班好姊妹為陳君宜舉行Baby Shower派對，徐子珊更伏在其肚上聽心跳。

場地：Mother Court

文：名人組