黃芷晴倒奶揮筆 莊思敏投降

黃芷晴、黃翠如及莊思敏昨日出席上水廣場活動《燕京八絕。宮廷京繡殿堂展》揭幕禮，席間三女一起寫揮春，青春無敵的芷晴靠倒奶揮筆，淺露事業線搶盡風頭，連一向性感的莊思敏都笑言：「無睇到，蝕咗！」

準備舉家搬屋

芷晴受訪時談到搶鏡表現，她稱不介意健康性感，亦會做足安全措施防走光，她透露將舉家搬遷，因太忙未執拾被家人鬧，問會否請男友幫忙？她笑謂：「佢可能唔肯，執屋就唔好喇，太多雜物，希望搬咗屋可以搞個入伙派對，請朋友嚟燒嘢食。」

提到媽咪身體狀況，芷晴謂媽咪經已好轉，覆診亦不頻密：「有時我放工佢都未返，掛住同朋友食飯，自己有活動，爹哋（黃日華）最黐家。」

莊思敏向圍觀市民派禮物。

翠如（右）及莊思敏沾財神的旺氣。

翠如掛住愛犬

莊思敏昨日密實現身，但不乏賀年色彩，她說：「最緊要配合活動，要有中國色彩，唔通着肚兜咩！」她笑稱自己的全裸海報曝光後，大家已見得她太多。問會否拍寫真？她表示只會考慮拍來作慈善用途。

翠如在訪問中再否認與男友蕭正楠同居，更稱家中最近新添一員：「屋企最近養咗隻狗，唔見會掛住，呢個時候狗仔重要啲。」

文：影視組