曾咏出書教韓式護膚

模特兒曾咏（Winnie）最近忙於為新書進行資料搜集，她計劃於書展期間推出韓國美容書，第三度出書的她說：「我認識唔少韓國朋友，有次去旅行，韓國朋友帶我去一間金秀賢都幫襯嘅護膚中心，我試做咗個水光療程，做完塊面好似拋咗光咁，好透好令，幾得意！香港又冇呢類療程，咪決定出本書講韓國護膚之旅，同埋推介當地平靚正護膚用品、飲食玩樂資訊，出本實用旅遊手冊。」
曾咏喜歡分享養生及護膚心得。
曾咏喜歡分享養生及護膚心得。

此外，Winnie亦到大學及大型機構主持講座，講述養生及護膚主題：「我媽咪係中醫師，佢都有好多養生湯水同秘方，我都想將呢啲實用資訊同大家分享。」

曾咏到韓國旅行時，曾試做護膚療程。
  • 曾咏到韓國旅行時，曾試做護膚療程。