陳瑞瑩有履想 影壇裸威
名模Jessica C.師妹中國、瑞典混血模特兒陳瑞瑩（Helena）憑34D噴血上圍上位，穿上性感睡衣大晒其純天然身材。眼見師姐電影部接部，陳瑞瑩亦坦言恨拍電影，不介意性感演出的她，今年將出力胸戰影圈，希望闖一番事業。陳瑞瑩於前年大學畢業後便全身投入模特兒界，曾代表香港到新加坡參加「Asia's Next Top Model」更勇奪第5名，成為Jessica C.的師妹後，在港知名度日增。
34D真個性
擁有34D噴血上圍的她，並不介意性感演出，行泳裝內衣騷亦絕無問題，最緊要感覺健康和Fashionable。日前她穿上多套睡衣拍攝性感專輯，在鏡頭前搔首弄姿擺甫士拍照，亦毫不怯場，表現真我個性，甚為專業。
Helena去年曾一嘗做設計師滋味，開始鞋履設計的工作，推出自家品牌女鞋系列，實行多方面發展。而今年她的大計是希望投身演藝界，Helena說：「我好熱愛做Model，但Model唔可以做一世，推出自家品牌係長遠嘅Business。我對演戲、唱歌都有興趣，有機會都想試吓向演藝界發展。我有上演戲班，讀書時修讀過話劇，亦有演舞台劇，好想試吓參與電影嘅演出，想演啲瘋狂啲又或者係有陰暗面嘅角色，好似電影《失蹤罪》女主角個角色咁。如果遇到有好導演同劇本角色，即使要我裸露演出都唔介意。我都好鍾意唱歌，依家有時都會喺西貢表演唱歌。」
髮型：Matt Lau@Salon Think
服裝：Blossom
場地：銅鑼灣隆堡柏寧頓酒店
文：名人組