泳兒辣舞唔益男友
泳兒昨為情人節舉行的《愛．情歌 泳兒音樂會Vincy Live 2015》綵排，腳踏五吋高踭鞋的她跳舞時不時趷籮擘髀，又跟男舞蹈員跳辣身舞。泳兒預告屆時會有約10分鐘的性感跳舞環節，歌衫會較性感：「上次記招吳雨大哥送咗件束衣畀我，但因為透視，所以要搵造型師改裝。」
問泳兒男友是否批准她跳辣身舞？她笑言：「我練舞時閂埋房門，佢睇過video o架喇，但我想保持現場震撼，所以唔會喺屋企跳畀佢睇。（到時男友會唔會捧場？）佢會幫我整頭。」她說邀得側田和洪杰任嘉賓，又透露排舞令肌肉痠痛，還弄損六隻腳趾。