李思捷爆房事 今年冇上陳雅倫床
李思捷在前晚首播的節目中，被嘉賓蕭正楠質問與緋聞女友陳雅倫的「床事」，他尷尬說：「2015年冇（上對方張床）！」陳雅倫對此笑言當幫節目宣傳，又自爆只視對方為弟弟！
由李思捷主持的無綫節目《今晚睇李》前晚首播，首集嘉賓眾多，包括吳君如、蕭正楠（Edwin）、黃翠如及杜德偉等，眾人在不同環節中亮相，君如率先帶領賀歲片班底如劉浩龍及姜皓文等演繹人有三急的爆笑舞步，成功炒熱氣氛！
陳雅倫笑鬧衰仔
其後Edwin與貪玩的思捷大玩「堅定流」遊戲，當中需要他們事先選擇講真話或假話，兩男即互問尖銳問題過招！期間Edwin大膽問思捷：「你有冇上過陳雅倫張床？」選擇講真話的思捷大為尷尬地說：「2015年冇！」可謂擺自己的「床事」上枱。
思捷的緋聞女友陳雅倫昨日在北京對此以電話回應說：「哈哈哈！衰仔（李思捷）好識做新聞，當幫佢節目做宣傳。（講到上床？）唔代表啲咩，唔答，費事愈描愈黑。（你哋咩關係？）我當佢細佬，咩都支持佢！（佢見胡杏兒拍拖感傷心？）抵佢死，等佢唔好成日扮情聖！」思捷則透過電話回應「床事」一事，他說：「做騷啫！」
蕭正楠認同居？
節目中，思捷也不輸蝕，問Edwin跟女友黃翠如是否同居，選擇講假話的Edwin為了幫老友谷收視，甘願將戀情擺上枱，笑認與女友同居多時。雖然Edwin事先聲明講假話，但表現受落的觀眾亦拍爛手掌！其後翠如與黃智雯出場，與思捷及Edwin大玩生熟雞蛋扑頭遊戲，倒楣的思捷被掟到滿頭蛋汁。
到最後一節杜德偉大唱快歌《脫掉》，更與多位泳衣女郎貼身狂扭，場面香艷！而翠如昨日現身活動時一再重申男友講假話，更明言未考慮與對方同居。
文：影視組