情同父子撐到底
効力英皇娛樂超過十八年的謝霆鋒出名有情有義，與公司早已超越賓主關係。他多次強調與英皇娛樂更似家人，和老闆楊受成的關係亦恍如父子。
喊住撐霆鋒
2012年楊受成接受本報訪問時提及霆鋒出道時經常被噓，為霆鋒深感不值的他即熱淚盈眶稱：「佢難受，我更難受！」
爽快續約
2011年霆鋒與楊受成商討續約，他指每當有困難，老闆總是無條件相助：「當時傾續約，我諗定三個方案，點知講完第一個，老闆就即刻答應。」
撐行英皇
霆鋒曾表示若有一天楊生不能繼續支持英皇娛樂，他會「頂住」英皇：「除咗父母，有邊個係喺你有問題時會諗起？老闆係我哋首選。如果老闆有咩頭暈身慶，我哋唔打落去？正×街仔啦！」