娛圈情侶陳智燊及宋熙年孖住搵真銀！二人昨於紅磡出席賀年活動，被問到情人節如何度過？宋熙年謂要參加李亞男與王祖藍的婚禮，而陳智燊則欲回英國探望嫲嫲，二人又指日日都開心，不用特別為節日慶祝。宋熙年大讚男友懂得製造驚喜：「佢送過一份禮物畀我，係幾年前我話過想要，佢喺特別節日送，我先記起！」
