Kawaii約何潤東過情人節
昨和周奕瑋齊任司儀的Kawaii將與旗下藝人何潤東（Peter）在東京過情人節，她說：「Peter賺得最多錢，佢已經連續三年請公司同事去旅行，今次有20人。今年會去迪士尼，如果到時落雪，就同佢過白色情人節。」
Kawaii指去年Peter還與型男郭品超同行，她笑說：「今次唔知佢帶邊個靚仔嚟。不過去咗咁多年旅行，都冇見過佢帶女友。」Kawaii說曾與Peter父母食飯，她有問過其父母可有見過未來新抱，結果大家都未見過。Kawaii續說：「Peter話過兩年結婚，佢父母話最緊要個仔開心，Peter有兩個家姐，都生咗小朋友，所以兩老都唔急於抱孫。」Kawaii又希望今年能搵到男友：「之前喺一個活動見到胡杏兒，佢話千祈唔好成日掛喺口邊，咁先會搵到，依家佢真係搵到。」