蘇永康祝祖藍婚後高啲啲

王祖藍、王菀之、蔣志光和韋綺姍等演出的《HEA爆香港演唱會》前晚尾場，祖藍未婚妻李亞男及徐子珊前來睇騷，蘇永康和人氣主持Bob則任特別嘉賓。祖藍以hit爆的哭腔演繹《世界仔》揭開序幕，肥騰騰的阿Bob跟陳嘉佳大跳貼身舞，更邊跳邊脫。
祖藍（左）和蘇永康氹得觀眾捧腹大笑。
祖藍（左）和蘇永康氹得觀眾捧腹大笑。

祖藍在台上棟篤笑，唱出早前網上熱播、改編蘇永康金曲《那誰》的《奶誰》，期間康仔徐徐走上台，令觀眾尖叫連連，蘇永康笑言婚後「肥咗」，希望祖藍婚後能「高咗」，令觀眾捧腹大笑。

李亞男（左）及徐子珊齊齊捧場。
  • 李亞男（左）及徐子珊齊齊捧場。