馬國明再衝雲霄激咀江美儀
馬國明接拍新片不問戲份酬勞純為「報恩」，艷福無邊的他獲安排咀爆拍檔江美儀。被封「筍盤」的他直言不急於尋覓對象，但預言倘若三年後仍未婚的話，自己注定孤獨終老！
《衝上雲霄》電影版三大型男張智霖、古天樂及吳鎮宇的感情線浪漫兼催淚，身為「串星」的馬明亦不遑多讓，與「Head姐」江美儀的姊弟戀由公仔箱伸延至大銀幕。馬明首日開工，即被安排與美儀激咀，認真火辣。
有可能孤獨終老
馬明昨日接受電話訪問笑說﹕「好彩大家熟囉。（美儀投訴你冇期，搞到英國外景佢冇得街頭浪漫喎。）因為我喺香港拍緊嘢嘛，真係唔好意思囉。其實決定拍呢套戲，我冇問過戲份同片酬，因為要畀面監製梁家樹，我第一套有角色名字嘅電視劇，就係佢畀機會我嘅。」
馬明最近風塵僕僕，除忙宣傳《衝》片外，更飛到新加坡出席周大福ION Orchard店開幕典禮。他以黑西裝配以四卡鑽戒及兩卡鑽石呔夾，閃爆全場。自言暫沒有約會對象的他竟說：「有命理師批我2018、19年先有機會結婚，所以唔使急，不過如果嗰時都唔結就冇嘞。」提到揀偶對象，馬明直言崇尚自然，很難接受整容。
朱璇英國過中秋
另外，《衝》片內扮演空姐的朱璇與內地演員劉俊孝苦戀，最終男方於飛機安全帶暗藏鑽戒向她求婚，可謂守得雲開，但現實生活中朱璇卻喜歡平淡﹕「呢啲嘢都係用嚟拍戲啦，我覺得做人簡單啲好，況且我一定唔會咁執着（苦戀），畀我一早就放棄咗呢段感情啦。」她又稱最難忘於英國拍攝時過中秋，與一眾演員於異鄉賞月及慢步沙灘：「仲有古天樂請食飯，好warm呀。」
文：影視組