Bobbi Kristina出事至今，警方仍未能為事件定性，究竟是屬於自殺、意外或謀殺等，眾說紛紜，粉絲和網民揣測多多！
自殺有先兆？雲妮好友曾踢爆Bobbi當年因亡母而傷心過度及焦慮，並指家人擔心她自殺，曾考慮送她到療養院。
話明係意外，真係冇嘢係冇可能！有人估係純粹浴室地下太跣，Bobbi唔小心跣腳所致，不過……有冇咁啱？
繼承亡母大筆遺產的Bobbi，帶挈埋老公Nick Gordan生活無憂！多年來Nick游手好閒唔使do，不事生產，最like搞事，去年曾因醉駕而被捕。有人揣測今次非意外，如果Bobbi一命嗚呼，單係保險賠償都已經和味！
Bobbi濫藥有前科！據講Bobbi曾因喪母之痛而借毒品來麻醉自己，並在母親喪禮舉行當晚在酒店「上電」，其家人之後安排她入戒毒所，去年Bobbi曾在instagram上載以長管吸食疑似大麻的照片。