張家瑩續約亞視 行內衣騷解放
亞視現正面臨經濟困境，拖欠員工薪金，陷入水深火熱之中，昨日首次大膽展示火辣身材行內衣騷的前亞姐張家瑩，卻爆上月剛與公司續約，而且還獲加薪，她表示公司現正面對大難關，希望可以大步檻過！
張家瑩及霍啟山前緋聞女友Lea T.昨日一同擔任內衣騷模特兒，談到亞視欠薪一事，家瑩自爆剛跟公司續約一年，問到何以欠薪仍續約？她說：「嗰陣啱啱出咗糧先簽，而且我份約仲加咗人工o架，我話我都做咗三年，應該有啲誠意加少少，公司依家面對緊個大難關，我都希望公司可以大步檻過，我自己有餐廳，但我都想繼續做電視台，做娛樂圈。」
唔驚嚇怕追求者
有指亞視藝員要出席飯局？她強調如果感到不舒服定會拒絕，那麼高層王征有沒邀請過她？她笑說：「王生有好多活動，但我哋出親活動都有保母、同事、助手，好多人嘅！」而首次行內衣騷的家瑩身形甚fit，不比Lea遜色。她表示在電視台多年，也想有新嘗試，問到是否想走性感路線？她笑說：「不嬲都贊成健康性感，而且內衣係每個女人都會着，應該要大膽啲，騷自己身材！（怕唔怕騷太多身材嚇走追求者？）我只會接好嘅牌子，係靚嘅性感，應該會吸引更加多就真。」
Lea騷內衣多人識
而Lea就謂很滿意自己身材，她每天都會去健身操練肌肉，最重要是身體健康，這比身形肥瘦大小更重要。問到常走內衣騷會否嚇怕追求者？她笑說：「唔會，仲多咗人認識。」至於如何慶祝情人節？她表示希望可以和男孩子一起過，並自爆現時有追求者呢！
文：名人組