梁漢文率後輩開唱 一拖三騷靚聲
歌手梁漢文（Edmond）、許廷鏗（Alfred）、鄭俊弘（Fred）和胡鴻鈞（Hubert）昨日齊齊出席下月舉行的「新城All 4 Love誘情音樂會」記者會，作為前輩的Edmond自言一直緊貼香港樂壇，對於一班後起之秀的歌曲亦瞭如指掌，他直言期待聽到三人演繹他的經典歌曲，問到之前曾否與他們合作？Edmond稱：「原來除咗喺TVB合作過之外，喺網上有人搵番啲舊片出嚟，之前我有幫過鄭俊弘伴奏。」
鄭俊弘撐吳若希樂觀
Fred則澄清當時不是伴奏而是合唱，更自爆曾做過Edmond同事，在華星「任職」過兩個月的歌手，當記者笑說華星因為他而停止運作，Fred即一臉無奈表示歉意：「因為我，我都覺得係我，但嗰兩個月喺華星做歌手係一個夢想嚟，當時都有出活動唱歌，同埋學吓唱歌。（有冇自己歌？）搵緊！但搵搵吓就收到電話叫我唔使返工。」談到Fred的緋聞女友吳若希（Jinny）最近傳出「忘年戀」及吞安眠藥自殺，Fred即力撐Jinny為人樂觀：「有留意新聞，娛樂新聞睇完就算，佢份人好樂觀。（唔會自殺？）係呀。」
另外，談到日前有報道拍得許志安穿黑色平腳褲照片，問身為好友的Edmond會否勸他下次小心？Edmond笑言：「下次叫佢着Sharp啲，綑邊螢光，再配碎花，儲齊一套。」他又稱BIG FOUR下一張碟可以用此作主題拍封套。
文：音樂組