吳君如冇畀片酬 請遊埠補數

吳君如昨日率領新片《12金鴨》演員劉浩龍（師兄）、姜皓文及蔡瀚億，參加由李思捷主持的無綫新節目《今晚睇李》錄影，杜德偉及蕭正楠擔任特別嘉賓。

師兄工作為先

君如自做完《星星同學會》後，已有四、五年沒有入過電視城，更取笑姜皓文入行三十年來第一次踏足無綫，又笑言對方緊張。她又稱新片演員冇收片酬，更指票房好會請大家遊埠。

君如於片中的假腹肌極受注目，問會否帶「腹肌」一齊出埠？她說：「好貴呀！黐一次要幾十萬，因為係荷里活級水準，上次黐咗七個鐘，黐到個特效師手都震埋。」另外，容祖兒被楊千樺爆快將成婚，男友師兄說：「佢哋講笑啫，冇計劃過結婚，工作為先。」並否認女友曾暗示想結婚。

蕭正楠放心晒

同場的蕭正楠很開心洪永城直認與唐詩詠發展中，他說：「唔使成日被人話佢（黃翠如）同洪永城夾啲！（呷醋？）冇呀！你哋feel到有咪有囉！」至於有否向翠如詢問二人的戀情？或者叫二人公開？他說：「我哋唔八卦人哋啲嘢，可能佢有同佢哋傾過，但冇講我知呢。」

另外，該片昨日更放出最新預告片段，串星陣容鼎盛，包括李若彤、周秀娜、陳奕迅、台星陳妍希及韓星鹿晗等，其中最搶眼的有王菀之以誇張妝容大賣性感，相當搞笑！

文：影視組