莊思敏一股作氣 攻影圈

莊思敏昨日出席經理人續約典禮，即席與中國3D數碼續約三年，跟老闆蕭定一（阿一）齊齊為大型全裸海報揭幕，寓意未來全身投入電影及重生，現場所見海報的噴血程度爆燈！提及拍攝海報時，莊思敏坦言怕穿崩要清場，三點僅以乳貼及T-back遮掩。

參考莫文蔚寫真

由於海報被指與莫文蔚的全裸照相似，莊思敏直言有作參考：「可能大家都用長梳化，但冇特別去模仿，亦冇抄襲嘅心態，拍攝時都試過唔同角度及道具，但都係呢個最好，我都唔怕比較。（唔學佢剃skin head？）如果角色需要，我唔抗拒剃頭，但毋須為一個記招特登去剃光頭。」至於今次續約的酬勞，莊思敏事後透過電話坦言以近八位數酬勞續約。

期間大會播放了一段短片，當中莊思敏提及在模特兒公司被前經理人冷落、要求陪客食飯等事。問及控訴前經理人一事，莊思敏直認曾有不愉快經歷，只盼將來會更好：「以往嘅不愉快係令自己成長嘅階段。（陪客食飯？）冇，但感到被人投閒棄置。」

正忙拍新片《十月初五的月光》的她表示會集中火力在影圈發展，盼能參演不同類型電影，又特別鳴謝緋聞男友葉念琛導演給予許多機會，稍後兩人也有不同的合作。

行性感不設底線

雖然未接到如海報般的性感演出，莊思敏指底線會視乎劇本及導演，如果是《色，戒》般題材會否接拍？她笑着反問：「如果係李安同梁朝偉，你覺得有冇得諗？睇你信唔信個導演同劇本，依家難定界線或底線，到最後要靠溝通。」

阿一被問到是否打算讓莊思敏行性感？他說：「如果佢專心做演員，就唔會介意性感，性感係視乎套戲需唔需要，如果戲係需要，咁性感都無妨。」至於向亞視開價購買經典劇集，遭亞視執行董事葉家寶寸出手低，阿一解釋價錢以購買的小時來界定：「我做生意畀咗個合理價錢，佢哋自己考慮囉。（亞視未覆？）話等緊董事局開會，或者佢哋睇緊有冇白武士，有就唔需要我筆錢，冇咁快就需要我筆錢。」對於家寶要求版權費起碼要夠亞視兩、三個月人工，他笑謂：「我都唔知佢每個月出幾多錢糧。」

文：影視組