霆鋒怕謝賢出騷辛苦
現年79歲的謝賢（四哥）獲浙江衞視重金力邀，據知以三十萬人民幣（約37萬港幣）一集的酬勞演出真人騷節目《掌聲響起來》，據內地傳媒報道，兒子謝霆鋒曾擔心爸爸會輸掉比賽，故力勸四哥辭演。正身在內地的四哥接受電話訪問時，就回應節目以高價邀請他的傳聞：「我免費o架！點可以講幾錢，你都傻嘅。」
四哥稱節目以淘汰賽形式進行，需要表演唱歌跳舞，至於有指霆鋒擔心老爸會落敗而反對他出演，四哥稱：「佢唔係怕我輸，係怕我辛苦，其實拍得一啲都唔辛苦，我要賺錢，我咩都有淨係冇錢。而且做藝人贏輸有咩所謂，最緊要唔怕輸！」而霆鋒的經理人霍汶希則稱不會對事件作回應。