DaDa搵李侑菲做媒人
韓劇《Pinocchio》女星李侑菲昨現身香港出席時裝活動，她說最想吃香港有名的曲奇，但由於該店有太多人排隊，故未有機會品嘗。提到前日被本報拍得與陳靜（DaDa）齊逛街，她說買了三對運動鞋及衫，又讚DaDa靚女兼親切：「我哋買衫有互相畀意見，其實都想觀光，但冇時間。」問她最想與哪位香港藝人合作？她謂：「細個已鍾意周潤發，想同佢合作。（對香港人有乜印象？）尋日（前日）行街有好多人認得我，令我嚇一跳，香港人好友善。」
DaDa讚李侑菲好人亦有演戲天分，問有否機會合作？她說：「公司有同佢合作，所以先會識佢，都想同佢合作。（邊個韓國男藝人係你男神？）李敏鎬，會叫李侑菲介紹韓國男仔畀我識。」DaDa坦言今年情人節沒着落，並埋怨記者說：「你哋成日影我同唔同男仔出街，但又將佢哋當係同一個人，令人以為我有男友，唔敢約我。」
