汪詩詩逼子丹敷面膜
「宇宙最強」甄子丹老婆汪詩詩、藝人楊婉儀及名模Jocelyn等昨日出席頒獎禮，詩詩即場分享美容心得。問會否為子丹擔任美容顧問？她說：「我有照顧佢嘅皮膚，佢皮膚質地好好，不過拍戲時間長同要化妝，都要佢敷面膜，可能男士會覺得好煩。」至於女兒Jasmine年紀尚小，會為她做好防曬：「有次佢跟學校去完沙灘曬到傷晒，沖涼喊住嗌痛！」詩詩稱將與子丹旅行，問是否順勢慶祝情人節？她說：「係喎！要keep住有fire，要諗啲特別啲。」
性感騷四吋事業線的Jocelyn，將與老公Anthony到非洲做義工：「正正係情人節當日，係保育動物慈善工作，同動物一齊，充滿愛。（趁機造人？）幫動物造BB，哈哈！依家係事業高峰期，遲啲先。（兩年後？）希望，依家喺香港養小朋友唔易，學費又貴，要搵多啲先。」
