朱慧敏密謀搞護膚品牌
藝人朱慧敏（Queenie）昨日聯同仙樂都、組合HunterZ等，任琸麗美容學校開幕嘉賓。最近榮升飲食生意老闆娘的Queenie表示現時已開了五間分店，會考慮把生意拓展到外國。
她亦透露有意進軍美容界：「有朋友做廠研製護膚品，前幾年有搵過我合作搞品牌，我都有興趣，希望遲啲有機會。」問到可會和男友EO2成員彭懷安（Eddie）一起護膚？Queenie則踢爆Eddie比她更貪靚：「佢敷mask仲多過我，同埋佢成日會染鬚，病咗都要染埋鬚、敷埋mask先休息，不過扮靚個人會開心啲，病痛都少啲。」