Bob孖Kelly為鄰升呢住豪宅

藝人林盛斌（Bob）除為電台、無綫効力外，亦是商場、品牌公司搞騷的熱點主持和司儀人選之一。根據《好報》獨家披露Bob單是去年收入已進帳近千七萬，成為頂吸「吸金王」。入行多年的Bob工作「密密接」，至今在旺角已擁有兩個住宅和一個寫字樓單位、深水埗區擁有五個二百呎的單位，以及擁有兩部汽車，資產值達三千多萬，身家總值約四千七百多萬。據知為提高一家的生活質素，Bob正計劃搬到何文田加多利山二千呎豪宅居住，與歌手陳慧琳（Kelly）為鄰。

女多負擔大

記者聯絡上Bob，他表示：「多謝抬舉，講真全部都係辛苦錢嚟o架，要搵命搏。我一年幾次大病兼幾日冚廠。三個月要打一次開聲針，定期睇中醫調理身體，近年身體真係差咗好多。（好多物業？）物業都係呢幾年一萬、幾千蚊咁辛辛苦苦儲番嚟，都係以儲錢和自住為主，唔係炒賣。」

陳慧琳（Kelly）	Bob搏命工作賺錢，照顧家中四位女王。	Bob為讓妻女住得更舒適，密謀搬往加多利山豪宅區。

Bob承認近年工作酬勞和待遇比以前進步，他說：「好多謝和感激無綫和新城電台畀好多機會我去認識唔同人，多謝客戶。呢兩、三年屋企多咗新成員，壓力同負擔大咗好多，我都係積穀防飢、好天收埋落雨柴，娛樂圈呢行今日唔知聽日事。」對於計劃細屋搬大屋，他表示是為家人生活可以較為舒適，他說：「家庭多咗新成員，都想大家住得好啲。睇樓時啲女好開心，但因為租金都好貴o架，惟有再辛苦啲，我咁辛苦搵錢都係為頭家。」

Bob忙搵銀之餘，亦會與囡囡參與慈善活動。	Bob為校園騷做司儀，密密賺錢養家。	Bob被《好報》踢爆去年吸金1700萬。

開騷賺到盡

此外，Bob前晚為鏡片品牌的周年晚宴擔任司儀，透露新一年計劃開Talk Show繼續吸金。農曆新年難得休假可以出去派利是，他笑言小朋友出世至今儲起的生日和新年利是，可以留待日後她們做嫁妝。

另外，《好報》同時獨家披露了藝人黃芷晴和黃美棋去年同樣吸金逾百萬，而組合Robynn & Kendy更進帳五百萬元，「錢」途同樣無可限量。

文：影視組