戀情美滿唔恨嫁 關之琳隨時7年之癢
近日屢傳婚訊的大美人關之琳，雖然與台灣富商陳泰銘的戀情愈來愈高調，但她依舊否認婚訊，並指自己滿意目前生活，加上已過了想結婚的年紀，一紙婚書並不重要。談到會否擔心七年之癢，笑指唔知佢癢定我癢！
大美人關之琳（之之）、歌手關心妍（Jade）、何嘉莉等昨日出席「MOISELLE春夏時裝展」，之之以一身春裝打扮現身，春風滿面。未知是否因她與相戀多年的台灣富商陳泰銘愈愛愈高調，除了不時被傳媒拍得他們拍拖，更屢傳婚訊。
談男友養甜笑回應
心情大好的之之被記者恭喜時，她笑言：「唔好恭喜我，唔係呀，唔好呀。（四月去法國尼斯結婚？）唔係，有好多傳聞，傳咗幾年、講咗幾年啦。（幾時真？）唔知呀，都唔係。（拍拖七年，怕唔怕七年之癢？）唔知會唔會癢，唔知佢癢定我癢。」當被記者追問是否由對方養她時，雖未有回應但面露甜笑。再問到還差甚麼令她不結婚？她說：「依家生活幾好，唔需要啦，咁老。（一紙婚書唔重要？）係呀，開心就得，過咗呢個年紀，唔需要。」
Jade知鄭融想過檔
同場的Jade透露希望新一年繼續創作音樂作品，而問到她有否留意同門鄭融近日甚少曝光？她說：「自己忙，冇了解公司事，知佢傾新公司。（佢唔續約？）唔清楚。」她表示於一間公司耐會希望有新衝擊，曾轉會的她直言明白對方感受。而何嘉莉將迎接回復單身後的首個新年，她表示會留在香港工作。問到會否到前夫家拜年？她說：「暫時冇咁嘅打算，睇情況。（同前夫關係好？）幾好。」
文：名人組