熊黛林爆男友見家長過關
名模熊黛林（Lynn）、藝人佘詩曼、王馨平等昨日出席護膚品活動，Lynn透露現時主要在內地工作，但每星期也會回港一次。問她是否爭取時間見男友郭可頌？她即甜笑說：「見啲要見嘅人，比較掛住嘅人。」她坦言如今拍拖生活很開心，閒時逛超市及吃下午茶，已令她相當滿足。
準備情人節禮物
問到是否視對方為結婚對象？她說：「慢慢嚟，唔好一開始就咁講，嚇走人呀！（見家長？）慢慢嚟。（過年去拜年？）希望啦！」她又自爆母親已見過男友，問到印象如何？她甜笑說：「過關！」至於二人首個情人節，她表示未知要否工作，但已準備好禮物。
另外，提到舊愛郭富城被指愛o靚妹？她坦言有聽聞過，但與對方很久沒聯絡，她續說：「我衷心祝福佢，佢人其實好好，希望都可以搵到啱自己嘅另一半。」
阿佘擇偶要開心
王馨平被問到舊愛鄭嘉穎被拍得與女伴激咀？她笑說：「我有同佢通電話，有笑佢咁唔小心，不過佢係單身，我覺得都好正常啫！」她又大爆對方曾叫她介紹女生給他認識。而阿佘被問到情人節可有約會？她鬼馬地說：「唔知呢？多數要開工。（有乜擇偶條件？）開心囉，一見到佢就會笑，溝通到。（考慮下鄭嘉穎？）隨緣啦！」
文：名人組