吳浩康醉爆婚訊 鍾舒漫：佢係好人選
吳浩康、陳家樂及洪卓立奉旨醉酒鬧事，百無禁忌玩轉紙紮舖。與鍾舒漫屢傳婚訊的吳浩康更「酒後吐真言」，自爆已向女友求婚成功！而鍾舒漫回應說：「佢好保護我，亦好拚命工作，相信佢係好好（結婚）人選。」
英皇新片《三條友飲醉走》的演員吳浩康、洪卓立及陳家樂，日前睌上現身中環拍醉酒戲，劇情講醉爆的眾人在後巷操多國語言叫囂，更衝入紙紮舖鬧事，又百無禁忌將紙紮房車當真車揸兼飲紙紮啤酒。
最快明年做老襯
三子透露新片有近八成場面是醉酒戲，為求逼真，眾人自創對白之餘，更不時飲少少酒入戲。經常與鍾舒漫傳婚訊的吳浩康，未知是因扮醉而太投入，竟承認求婚成功，但依然堅守底線沒透露詳情，他說：「唔想講太多，因為婚期最快都要明年或後年，如果確定會公布。」
記者向鍾舒漫送祝福，她回應謂：「大家都討論過結婚，我都樂意同佢行下一步，佢好保護我，亦好拚命工作，相信佢係好好（結婚）人選。」
洪卓立則與女友湯怡在新片奉旨恩愛，但二人對戲令他感棘手：「戲中我暗戀佢，但我哋太熟，依家要扮唔熟，都幾難！」他續說：「我哋扮醉戲嘅太多，演清醒戲反而好難！」
洪卓立飲到斷片
之後洪卓立又分享斷片經歷：「18歲嗰時同班朋友飲到斷片，事後講番先知當時旁邊坐咗一枱有背景人士，啲朋友好擔心我搞到佢哋，我仲一句肚痛就衝入廁所，但冇閂門，講番起都失禮！」家樂則透露曾為向偶像張家輝搭訕而飲酒壯膽，結果在他面前出醜而大呼後悔。
文：影視組