JC安志杰美國見家長 好事近

影星安志杰（Andy）昨出席電鬚刨活動，直認聖誕節放下手頭上的工作，陪伴女友Jessica C.（JC）飛美國L.A.探親，他表示：「去咗L.A.一個月，芝加哥一星期，（見佢父母？）有見佢屋企人，Very Nice Family，佢屋企人有讚我。新年應該唔會再去，屋企啲貓貓狗狗冇人陪。」問到可有帶JC見其家人時，Andy立即面紅紅兼低頭玩手指，說：「媽咪已經見過。（對JC印象點？）媽咪話好好。（有冇催婚？）冇呀！（感情穩定？）幾穩定，以前自己一個做運動，依家會同佢一齊做，佢早起身過我。」Andy透露即將飛往北京拍攝電影，要與女友小別。另外，對於好兄弟房祖名容留他人吸毒案，將於2月14日獲釋，Andy表示開心。

男友靚仔被(目及)

另邊廂，JC出席手錶活動時，亦大方談及男友互見家長一事：「屋企人眼定定望實Andy，我叫咗唔好，可能Andy太靚仔，有讚佢有禮貌，尊重人，我有兩個世界，一個喺香港，一個喺美國，Andy令兩種生活都連埋一齊，好完美。（媽咪有否催婚？）媽咪一直都想我結婚，但我哋太忙，享受依家嘅生活。」對於男友家人，她賣口乖指Andy是great person come from great family。

JC表示與Sean同場不尷尬。

JC神采飛揚，蜜運中的她大讚男友戴錶好睇。

戴尚安冇翻撻

現場謝婷婷舊愛戴尚安（Sean）擔任司儀，記者將Sean與Andy作比較，問JC誰戴錶戴得靚啲？JC笑言：「Andy係我男朋友，佢有強勁手臂，梗係佢戴得靚啲，Sean都戴得好睇。」雖然Andy曾與婷婷拍拖，但她表示與Sean同場並不尷尬。提到早前被《好報》影到與前女友謝婷婷前後腳出入，是否轉玩地下情？Sean稱：「我哋冇約會，係朋友，佢幫手做慈善相展。（前後腳走？）佢上嚟係傾相展。（地下情？）我哋冇秘密。（翻撻？）將來冇機會，佢好好，大家冇唔開心，做朋友好啲。」

文：名人組