馬國明求嘉穎介紹靚女

馬國明、楊怡昨日率領劇集《宦海奇官》的演員，包括陳山聰、蔣志光和陳自瑤等，到社區中心向一班小朋友及家長派禮物及玩遊戲。日前鄭嘉穎被《好報》拍得夜蒲攬啜「巨咪女」，好友馬國明表示未有問嘉穎：「如果係真嘅會帶出嚟同班兄弟食飯，但到依家都未帶，唔知係咪真。」坦承年紀唔細的馬國明又謂，如有拖拍也不介意公開。

楊怡恨嫁

問馬國明有否向嘉穎學追女招數？他笑道：「學唔到，因為佢係畀女仔追，我仲要做主動。（叫佢帶埋你去識女仔？）如果佢搵到女友，希望喺手指罅漏啲畀我。」問是否鍾情「巨咪」女生？馬國明說更喜歡身材均勻的女生：「大家審美眼光唔同，仲好，咁就唔使爭。」

楊怡抱着小孩母性大發。

人氣急升的蔣志光大受歡迎。

至於有傳與羅仲謙於八月結婚的楊怡，獲記者送上祝福後笑謂：「我八月生日，恭喜我都啱。（結婚？）梗係唔係，結婚對我嚟講有日一定會做到，希望有日會嫁得出。」她又呻命苦，因未試過在外地過生日。

有指謙仔片酬幾級跳，自然多女埋身，故楊怡索性結婚箍男友，她笑稱自己都多男仔圍：「我對自己有信心，應該用時間證明，毋需講太多。」

文：影視組