李嘉欣認雪卵搵代母追女

已有一子的「大美人」李嘉欣昨日與名模趙嘉懿及「美心妹妹」楊鎧凝（Celine）現身SHISEIDO VITAL-PERFECTION全效無痕亮白精華素發布會，由Celine妹妹負責送花給嘉欣，嘉欣直認「恨」生女，但就指可能「遲咗啲」，她解釋：「如果第一個係女就比較容易照顧，但囝囝好好動，我要同佢奔奔跑跑，依家得番半條人命，見到其他人嘅女就覺得好可愛。」

雖然如此，但嘉欣仍有為生第二胎而作準備，不過強調未必自己生，問她是否指會收養？她否認：「唔係，可能會搵代母，其實未必會實行，但係一個選項，始終女性有時限。就算用代母都係自己嘅基因，收養就要有好多嘅理由。（咁要雪定卵子？）有，我已經有咁做。（雪藏咗嘅卵子係咪有期限？）係短時間，但如果係胚胎嘅話，就可以保存耐啲。（要呢幾年內成事？）可以好耐之後都得，呢個係我同老公好鍾意討論嘅話題。」

李嘉欣不擔心第二胎與兒子有代溝。（資料圖片）	恨生女的嘉欣對着Celine妹妹笑逐顏開。	趙嘉懿不介意子女面對鏡頭。

許晉亨態度保守

不過，嘉欣坦言老公許晉亨的態度有點保守：「佢覺得有多個比較吃力，因為佢鍾意親力親為去照顧小朋友。」嘉欣又稱不擔心第二胎跟兒子年紀相差太遠有代溝，最重要是家長如何教導。至於雪藏卵子外，會否連BB性別也可選擇？嘉欣認為現今科技甚麼事也有可能，但她不會如此誇張揀性別。嘉欣早前把做運動的相片於微博上載，她笑言要操弗身體才可以對付兒子呢！

趙嘉懿女愛鏡頭

至於趙嘉懿透露細女現時七個月大，但已看出她有模特兒天分：「用相機影佢，佢會好注專咁望鏡頭笑，大仔依家四歲半，成日都話好想行騷，我覺得拍廣告同行騷都OK，可以令小朋友更加有自信心。」

另外，有不少名人都找「代母」生仔，包括葡萄牙球星基斯坦奴朗拿度2010年7月在社交網站自爆榮升做爸爸，有傳2009年他到美國聖迭戈度假時請代母生仔，實現未婚爸爸之夢，而前晚他奪得金球獎也帶同囝囝分享榮耀。而恒基地產主席李兆基的長子李家傑2010年赴美找代母，誕下三子，取名「智信」、「智仁」、「智勇」。

文：名人組