祖藍心急結婚企硬唔加場
藝人王祖藍、韋綺姍、李麗霞（黑妹）昨日齊齊現身電台，宣傳本月30、31日舉行的兩場《HEA爆香港演唱會2015》，距離演唱會只剩兩個多星期，祖藍卻笑言這次演唱會絕不加場：「再咁搞唔使結婚啦！可以有加場嘅，畀人情啦！」
祖藍亦透露了演唱會的概念：「今次演唱會其實由6個演唱會組合而成，我哋每人負責一個，中間會互相有Crossover。」他說演唱會除了唱與《老表》系列有關歌曲外，亦會唱多首經典金曲，當中蔣志光會以音樂劇形式表演，黑妹則獻唱幾首梅艷芳的歌曲，祖藍更表示他的母親是黑妹忠實歌迷，問到黑妹會否作出與梅姐相若的打扮？她笑言：「我做唔到佢咁瘦喎！」
想搵亞男做嘉賓
至於祖藍與李亞男的婚禮亦臨近，但他坦言二人工作非常忙碌：「佢依家拍緊劇。（邊個籌備婚禮？）我哋有分嘅，同靚嘢有關就佢搞，流程就我負責，我都同佢講我哋算幸福，有好多人幫手。（唔請wedding planner？）唔啦，嗰啲咪係我自己人馬搞囉！好似今次演唱會同婚禮嘅監製就係張學友演唱會監製，所以都會有番佢嘅水準。」各自應付繁忙工作豈不是沒時間見面？祖藍表示：「所以盡量搵多啲時間一齊做嘢，可以叫佢做今次演唱會嘉賓，不過佢面對啲唱家班會驚，壓力大可能會縮沙。」
文：音樂組