軒仔勢封獎王：超額完成！

張敬軒、泳兒、鍾舒漫（Sherman）、鍾舒祺（Sukie）、羅力威及洪卓立，前晚在英皇旗下的新樓盤為賀年MV取景，客串做「一樓一」角色的軒仔說：「唔係扮女人，扮吓聲，好似叫『老細』。」軒仔在過去的三大頒獎禮走勢凌厲，日前本報就率先披露他大有機會成為2014年度「獎王」。連《十大中文金曲頒獎禮》的「作曲獎」，暫以十個半獎領先的軒仔說：「我睇好謝安琪，我今年攞到男歌手同創作獎已經超額完成，對自己同公司有交代。」

泳兒撐陳潔儀

對於「叮噹」配音員林保全本月底設靈，軒仔坦言當日不在港，亦不想給人「抽水」感覺，故有機會會與公司同事送花圈。Sherman透露妹妹Sukie首次參與公司賀年MV，對於被指在妹妹身邊變成另一個人，Sherman解釋：「有佢喺度自然啲。」

鍾舒漫（左）與妹妹鍾舒祺一起拍賀年MV。	泳兒認為參加內地歌唱節目是不錯的宣傳。	眾英皇歌手在英皇旗下的新樓盤取景。

另外，陳潔儀在內地歌唱節目《我是歌手3》被淘汰，又被指全程走音，泳兒與羅力威齊聲撐前輩，羅力威說：「無可能走音，佢唱歌非常好聽。」曾參加內地歌唱節目《咪王爭霸》的泳兒說：「唔信佢全程走音，全走音係好有難度。」

對於專業歌手被非專業歌手的觀眾評頭品足，泳兒說：「初時有啲抗拒，始終我係參加比賽出身，不過當多一個平台宣傳。」

採訪：音樂組