學友呻今年蝕硬！

學友昨日為新國語專輯到電台宣傳，她之前承認與製作人陳淑芬意見不合，今年不會在紅館開騷，因紅館檔期要一年前申請，他說：「任何話我今年開演唱會嘅消息一定係假。」

學友指即使今年搞得成騷，也會由外地開始，問他今年在港開騷不成，是否賺少幾千萬？他笑說：「嘩！冇乜收入，今年都係蝕o架啦！（唔使跑數？）唔使，做吓其他嘢，拍吓廣告，但做演唱會先有廣告，一唔做好似冇咩人搵我，（你收得貴嘛！）物有所值嘅！」

今年是學友入行30周年，但他沒想過搞慶祝活動，並笑說：「阿倫（譚詠麟）40周年頂住晒，我差好遠，自己嗌30年幾肉酸，懶勁。」問入行30年感覺如何？學友謂：「依家先知點唱歌，（歌神都咁謙？）真o架，有啲人天分好，我靠後天努力。」

學友早前承認與陳淑芬（左）意見不合。（資料圖片）

學友昨日到電台宣傳新專輯。

對女婿忍住拳頭

對於黃秋生勁彈樂壇新人唱歌唔掂，學友搞笑說：「佢都係樂壇新人，樂壇新人彈樂壇新人，咁奇怪。」學友又讚馮允謙、許廷鏗唱歌「實淨」，亦認為現時樂壇整體平均：「以前天王天后都係慢慢煲出嚟，但依家都唔揼火點煲？」

另外，學友日前亮相台灣節目《SS小燕之夜》，說養育兩女兒像種樹：「最慘的是這棵樹有腳，會走掉。」主持問學友將來怎面對女兒出嫁？他笑謂：「爸爸要把女兒的手交到女婿手上，眼淚都是要忍住，拳頭也要忍住。」

文：音樂組