Ronny＠Mr.攬女硬晒軚
樂隊Mr.日前輪流為五首廣東歌任主角，第一首派台歌《雙面人》MV由Ronny打頭陣。他興奮表示：「未試過擔正男主角，我哋每人做一次MV主角，呢個構思好新鮮，好好玩，希望大家都滿意效果。」拍攝當日，Mr.圍住大圓枱摸酒杯底、玩啤牌，但其實就各懷鬼胎。當穿透視中門大開長裙的俄羅斯索女現身時，五子即目不轉睛（目及）到實，並大叫：「正呀！公司總算待我哋不薄。如果每次拍MV都有呢啲福利，我哋好樂意拍多幾個！」
對住成員cool爆的Ronny，對待火辣女郎時一副含蓄樣。當導演要求他攬索女時，他更反問：「咩姿勢攬先啱？都唔知視線放喺邊度好！」因頻頻NG，更被隊友取笑「硬晒軚」。