發哥家輝一家親 拍完心掛掛
兩大影帝周潤發、張家輝和影后劉嘉玲，在王晶新片中大鬥演技。發哥坦言新片有大量飛天下海、爆破場面，極具可觀性。他又直言拍攝過程大家合作太愉快，令他有掛念感覺。
國際影星周潤發主演、王晶執導的《賭城風雲》去年上映贏盡口碑，內地票房大收五億多人民幣。羊年賀歲檔期發哥再度出擊，顆拍影帝張家輝和影后劉嘉玲合作《賭城風雲II》大鬥演技。今回電影公司更不惜工本，遠赴澳洲、泰國取景，更有不少大型爆破、飛天下海和槍戰場面。電影公司在搭景及服裝上亦大灑金錢，搵來著名服裝指導張叔平為發哥及嘉玲効力，奚仲文則負責張家輝及余文樂戲服。
發哥直言第二集更具可觀性：「今次跟第一集相比，規模大咗好多。唔單止喺泰國拍攝，更有影帝、影后級人馬助陣，又飛天落海，加上華麗布景及大型爆炸場面，節奏明快，令故事更緊湊熱鬧。」而張家輝則笑言：「我覺得大家睇呢部戲應該唔會蝕底，希望大家睇得過癮！」
望再合作
影帝周潤發和張家輝首次合作，二人惜英雄重英雄。發哥揚言比上集發揮得更放更好：「今次感覺唔似拍戲，好似生活一部分咁。拍咗兩個多月，有時都好掛住佢哋。好想再有劇本令大家走埋一齊！」家輝則表示當年跟李修賢到電影《喋血雙雄》現場探班時曾遇上發哥，沒想到有機會合作：「我當時望着發哥兩眼發光，無諗過可以合作，好榮幸今次有機會同場。我哋成日討論，希望喺每場戲都發揮到大家嘅長處。」
文：影視組