鍾嘉欣懷舊水着衩出美態
剛旅遊返港的藝人鍾嘉欣，默認男友伍允龍亦有同行。心情大好的嘉欣不但增磅而回，更大方把高衩的懷舊泳衣照放到網上，展現健康性感的美態。
藝人鍾嘉欣、模特兒倪晨曦（Elva）、前港姐朱潔儀等，前晚出席「香港皮草設計比賽2015」。而名模Ana R.、模特兒趙頌茹（Yu）等則擔任模特兒行騷。嘉欣以一身黑色高衩晚裝配襯白色皮草現身，顯得高貴大方。
做姊妹要減肥
嘉欣透露自己剛與家人及朋友到台灣、泰國等地返港。問到男友伍允龍有否同行？她即甜笑，但卻避忌地說：「唔講啦，去旅行，開心、充滿正能量。」提到她上載了泳衣照上網，雖然是一件頭泳衣沒甚睇頭，但卻勝在高衩，成為亮點。她笑言：「件事係好健康，我自己鍾意懷舊式嘅泳衣。」但她坦言自己增磅不少，要快點減肥。她說：「因為2月14日要做李亞男姊妹，要着巫婆裝，因為件衫有啲性感、透視，要呢個月減番。」而心情大好的她更於場內滿場飛，與不同嘉賓合照。
倪晨曦學瑜伽
露出事業線現身的Elva笑言：「2015年事業心重。之前做咗旅遊節目，最想去冰島，或者去睇北極光。同埋因為我畀人感覺斯文，想做啲刺激嘅嘢，好似bungy jump。」另外，她透露農曆新年後將到美國上瑜伽課程一個月。而Yu則透露其兩歲的細女曾把紅色marker當作眼影、藍色原子筆當作唇膏來化妝，令Yu非常驚訝，趕緊替她洗面。
文：名人組