袁嘉敏露點戲 愈清場愈多人
袁嘉敏出席火鍋店開張活動時，不避嫌手翹鍾嘉欣男友伍允龍臂彎，態度親暱。另外，談到新片《鴨王》中的露點戲，她指拍攝時有十多名工作人員在場，感覺「好似畀人睇晒」，劇組人員當時向她表示已經清場。
藝人袁嘉敏、文凱玲、唐紫睿、王子涵、何浩文、伍允龍、白健恩等，昨日出席導演王晶和劉偉強投資的《金裝齡記麻辣火鍋》新店開幕活動。現場所見，身穿貼身裙的袁嘉敏不時手翹和胸壓伍允龍密斟，狀甚親暱。事後致電問她為何如此親密，她說：「我同佢之前合作過電影《屍城》，今日見番咪捉住佢傾偈囉。（唔擔心佢女友鍾嘉欣呷醋？）唔會啦，佢哋兩個都好大方。」
問到她在王晶新片《鴨王》中的露點戲，她表示：「有場係冇着衫做瑜伽、有場就係沖涼戲。當日去到拍攝現場啲燈光好強，仲好多人圍住我囉，好似畀大家睇晒咁。（冇要求清場？）佢哋話清咗。因為有兩部攝影機，每部機都有幾個工作人員。（清咗場多人過冇清場？）咁我又冇呢個專業嘅批評去講邊度多咗人，佢哋話清咗，就清咗囉！」
好劇本唔怕剝
同場，唐紫睿指在片中與對手何浩文在夜店裏當眾纏綿：「拍攝時都尷尬，其中一幕佢仲除咗我條內褲。作為一個新人，有好劇本發揮都會盡量爭取機會，露點不是一件醜事，好多一線女演員都試過。」文凱玲亦贊同唐紫睿說法，如果劇情或角色需要都沒問題。
文：影視組