筱靖：亞視女藝人好安全

藝人筱靖、鄺佐輝等昨日到長沙灣出席活動，提到亞視主要投資者王征捲入桃色新聞，被前亞視「星光幫」男成員大爆雙方過往的約會感覺及肢體接觸經歷，筱靖稱：「亞視嘅女藝員不嬲都幾安全嘅，以前都有聽過呢啲傳聞。我都幾欣賞佢（爆料者）咁敢言，講咗大家敢怒不敢言嘅說話，為七百員工吐一口苦水。（好多員工受騷擾？）你哋check吓啦，我只可以講亞視嘅女藝人就好安全。（男藝人呢？）唔知呢。」患腸癌的鄺佐輝精神不俗，透露下星期會接受第五次化療。