三大疑團拆解！
房祖名毒案終於了結，昨日更成網民熱話，以下三點更成大家談論的焦點。
唔着囚衣
Q：何解房祖名不用穿囚衣，是獲特別厚待？
A：根據內地《刑事訴訟法》及司法解釋，沒有明確規定嫌疑人出庭受審的衣着，也沒有規定禁止嫌疑人自選着裝，一般情況下，嫌疑人可穿着自己的衣服出庭受審。
直播審訊
Q：何解東城法院會在官方微博文字圖片直播整個審判過程？
A：內地執業律師吳志強表示，審判過程在內地作網上直播情況鮮有出現，相信是因為祖名毒案受到全城注視，加上祖名知名度高，內地有關方面藉此作反吸毒宣傳。
法官訪談
Q：何解審訊後主審法官林梅梅透過官微進行訪談，解讀是次案件？
A：內地執業律師吳志強表示，內地法官一般很少在審判後接受訪談，相信是為令大家對今次判決有一個更清晰理解，所以才有這個高透明舉動。
爾冬陞
「哪個人年輕時候沒犯過錯，知錯能改就好！」
王晶
「判決算合理、亦算輕判，戥祖名開心，我同祖名唔算熟，只見過佢幾次，覺得佢好乖、好有禮貌。（會否搵佢拍戲？）佢應該唔會拍住，做啲公益活動先。」
黃秋生
「判6個月算好，若果判你3年，你唔死呀？（預期祖名最快可以返出嚟過農曆新年？）咁就更加要恭喜佢。我接觸嘅佢，係好有禮貌，但外人可能會覺得佢係食飽唔憂米，今次經歷會令佢同佢一家都有所轉變，對佢今後嘅人生係好嘅。（警惕世人？）唔識死嗰班係唔會受影響，咪一樣照食！我係指唔識死嗰班人，真係都唔知有冇咁好食！」
劉偉強
「佢係一個細路仔，今次係好好嘅教訓，希望佢會努力做人，呢段時間係好好反省嘅機會，睇電視見到佢都青靚白淨、大隻過以前。（開戲會否預他？）冇所謂，佢又唔係犯咗彌天大罪。」