洛詩涉毒即時雪藏
英皇內地女藝人洛詩捲入房祖名容留他人吸毒案，昨日祖名庭上證實洛詩亦染有惡習。涉案前她正趕拍林超賢新片《破風》，據知其戲份重亦與主角們有不少互動，如今事件曝光令林導無奈非常，他接受電話訪問時淡然謂：「我都係今朝先知，一切要睇投資方英皇嘅決定，依家講唔到啲實質嘢。」
身為洛詩經理人的霍汶希透過電話回應：「我哋即時雪藏佢，但冇諗過要解約，希望佢藉此反思，年輕人要畀機會佢哋改過。」談到祖名判囚6個月，她表示：「祖名我睇住佢大，佢為人好純品，希望大家畀機會佢，個人嚟講都唔排除日後會同佢合作。」至於英皇高層吳雨亦同樣呼籲大家要給祖名改過自新的機會：「知道刑期代表件事已告一段落，（刑期）都算合理，可以話係畀年輕人一個借鏡。祖名唔好氣餒，同行好多uncle都支持佢。」