陳嘉佳願為祖藍擋刀
「細細粒」陳嘉佳（小寶）憑《老表》系列人氣再升，回想由文員變成演員，她自言從來無計劃做演員，最想感謝「伯樂」王祖藍：「我成日都講如果佢第日有咩事，要搵人幫佢擋刀，第一刀我一定幫佢擋！真係冇諗過做演員，傻吓傻吓乜都唔知就走去試。」
入行前，小寶直言成日諗減肥，更罰抄「我要減肥」寫滿A4紙貼喺房。她透露：「因有次副導演搵我老闆傾嘢，覺得我幾啱佢套戲嘅角色，要做一個好開心嘅肥妹，套戲就係同祖藍拍！又真係試鏡成功，拍《矮仔多情》，直到福祿壽去紅館開騷，祖藍叫我同佢跳隻舞，我又抱住玩吓嘅心態去試，之後佢問我有冇興趣拍劇，咁就入咗行！」
場地：Souvla