楊柳青失戀振作 姊妹檔搵銀
前Freeze成員陳樂榣（Alley）及模特兒楊柳青（Wiyona）這對好姊妹去年底合作經營潮店，曾因失戀而無心經營的Wiyona自爆是Alley鼓勵她開舖再戰，而佗B五個月的幸福人妻Alley，現時兼顧教畫及飾物生意十分充實！
前女子組合Freeze成員陳樂榣（Alley）及Jessica C.師妹楊柳青（Wiyona，前名楊琳）多年來以姊妹相稱，現時佗B五個月的Alley笑言睇住Wiyona大：「我都唔知佢嗰陣夠18歲未，依家睇住佢愈來愈大個喇！好多經歷，好多轉變。由佢拍拖、分手、多人追喇！不過我仲多過佢，係成個過程再重複三次。」
分開入貨避爭拗
感情深厚的二人，自去年底合資在長沙灣租舖，而Alley主攻飾物，Wiyona賣韓國服裝，各有各做不怕影響感情。Alley說：「做生意暫時單獨好啲！一夾份就會比較多爭拗。」Wiyona亦坦言：「我都試過，有時大家style唔同，入貨時有唔同意見。」
曾於尖沙咀開店的Wiyona直言是Alley鼓勵她再戰：「之前太忙，失戀又心情唔好就冇做。但家姐話唔好喇儲咗班客，姐夫又整到間舖咁靚。始終做model唔長！」現時潮店開業不久，懷孕五個月的Alley要兼顧教畫及打理舖頭，笑言生活充實，已甚少涉足娛樂圈工作，不過仍會出席活動。
文：專案組
攝：劉斌
服裝：Vivaladiva，Wow Fashion
楊柳青髮型：Sam Cheung