曹敏寶獲家人力撐重新出發

今年樂壇Hi-Fi界的新面孔曹敏寶（Abo），曾經做過空姐和化妝師，幾年前已參加過歌唱比賽，雖然成功簽約成為歌手，可惜因唱片公司問題未能圓夢，碰了一鼻子灰的Abo直言：「細個嗰時唔會諗得太遠，雄心壯志覺得自己一定會贏，事實上我出咗第一隻主流CD之後，發現喺呢行真係好唔容易，唔係淨係有天分就得。」幾經波折的Abo坦言做歌手的壓力確比其他行業大：「其他職業努力咗會有成果，但係藝術事業努力同結果未必成正比，好多嘢都比較隨心。」

與家姐似朋友

對於在娛樂圈要面對星途的高低起跌，Abo的父母亦曾經為此擔心過，加上姐姐曹敏莉同年參加選美，令家人衝擊更大，幸好父母給予的自由度大，對兩姊妹相當支持。談到姐姐曹敏莉亦是圈中人，Abo笑言自己是「問題少女」，常常問姐姐的意見：「我成日都會問家姐嘢意見，對於我嚟講二家姐（曹敏莉）就好似朋友咁。」

曹敏寶與家姐曹敏莉相當似樣，同樣具港姐質素。

Abo早前出席歌手歌莉雅（右二）的音樂會。

Abo又表示再次以Hi-Fi歌手身份出道，獲姐姐鼓勵，而父母亦以她為傲：「Hi-Fi歌手要求唱歌行先，屋企人好開心唔係因為名利，而係覺得我終於有一份認同，亦都覺得我唔一定要畀到成績屋企睇，最緊要開心。」

文：音樂組

攝：李柏儒

服飾：Amelie Street

場地：英雄地