周柏豪作歌氹女友 獨家示愛
一向喜歡創作的周柏豪大爆曾創作情歌氹女友，又自讚情感真摯，所以對方亦非常受落。而愛心爆棚的林欣彤就表示由中四開始助養小孩，希望有一日能與對方相見！
身為「饑饉之星」的周柏豪和林欣彤（Mag）昨日出席記者會，二人原先會到孟加拉探訪，但因當地發生暴動而被迫取消，柏豪坦言覺得可惜，又表示曾想過在探訪後寫歌和出書。問到「大文豪」有否寫過文章送給女友？他就表示曾作過歌給對方，但沒有公開發表過：「歌係神聖嘅，淨係畀佢！（反應如何？）當時嘅創作比較幼嫩同真摯，冇咩修飾，但佢都滿意！」
Mag助養小孩
而Mag對探訪取消亦感到失望，又提到從中四開始助養小孩，對方生活在非洲的馬拉維，但一直未有機會見面，所以想建議主辦單位到當地探訪：「佢係男仔嚟，佢嗰陣得三歲，依家高過我！（有冇書信來往？）有呀，我哋大時大節就會互相交換卡。」
文：音樂組