黎耀祥歎世界樂極生fat
視帝級電視紅人黎耀祥與太太到北海道旅行，於雪景前浸溫泉，可謂一大享受，面對靚景，人也精神不少，難怪祥仔此行大歎美食，更肥了8磅返港，笑言要積極減磅。
黎耀祥早前在百忙中抽空與太太及友人到日本北海道旅行，由於今次囝囝沒有同行，故此大部分時間他們都過着二人世界，今次他們屬自駕遊，故去到邊、食到邊，祥仔坦言因為此行而肥了七、八磅之多，現時要積極做運動減肥。出發前，祥仔已知道北海道北面落着大雪，幸好他們抵達札幌時出太陽，沒有阻礙他們的旅程。
邊行邊影張張靚相
祥仔表示今次是他們首次去北海道旅行，更有好友幫他們計劃行程，祥仔謂：「成日聽人講北海道好靚，今次去到一啲大自然地方，又有雪景，好多相都係隨便影，求其攞個自拍神棍就影到好多靚相。」祥仔更多晚入住溫泉酒店，與太太溫馨浸溫泉，他又指於溫泉酒店內吃懷石料理，相當精緻，他又興奮謂：「返到去札幌時，我就咁睇雜誌介紹去咗一間小型居酒屋，非常好食又抵死，一隻紅蟹，都只係二千五百日圓，成隻燒嚟食真係清甜到不得了。」問到此行好食好住有否發福時，他謂：「梗係有，之前做舞台劇時，我係152磅，返到嚟就160幾磅，真係要勤力啲做運動keep番！」
開拍新劇前encore
此外，祥仔坦言之後便會開拍新劇，更會與好兄弟蕭正楠、曹永廉、陳國邦再度合作，不過開拍前，都會跟太太再去大阪旅行，果真快樂。
文：影視組