史劇威「峯」列教材

林峯聯同內地演員沈泰、李欣聰、劉永及彭皓鋒等昨日出席nowTV原創劇《衛子夫》廣東話版宣傳活動，場地擺放一眾主角的戲服作展覽，劇中飾演皇上的林峯，獲同劇演員以報告形式，宣布該劇除獲中央教育台播放外，更已衝出內地版圖，即將登陸台灣、馬來西亞、新加坡、北美等海外十多地區播出。

操弗攻內地

林峯因工作繁忙未能親為該劇廣東話版配音，問到將在多個地區播放是否要多收片酬？他說：「冇喎！應該簽約時簽埋啦！不過都開心，可以令更加地方落米，海外觀眾都睇到，聽網民講有啲人上歷史堂都用套劇做教科，都好開心！」

林峯拉隊宣傳原創劇《衛子夫》廣東話版。

林峯因檔期問題暫未能再與劉家豪（右）及梅小青合作。

談到與該劇總製片人劉家豪及梅小青合作創下佳績，會否再度合作？林峯透露二人的確曾邀請，但因3月他將到橫店拍古裝劇而未能合作。近日他已開始操弗以應付大量動作戲，問可擔心舊患復發？他謂：「都冇問題，好小事，keep住做運動冇問題。」

諗計冧女友

下月的情人節林峯將在美國錄音度過，正諗計仔向女友吳千語送驚喜，問到會否出席餘下兩個樂壇頒獎禮？他謂：「今年我都冇歌，依家開始做唱片，希望年尾可以有機會出席到頒獎禮，同埋入咗紙申請2016年紅館演唱會。」

至於同場的劉永對於娘家亞視前景茫茫，他謂：「我都好擔心，遣散晒啲人，不過啲舊同事應該走晒，剩番肥仔劉錫賢，冇計，佢肥走唔到，係忠臣，我哋都有成日見面，對亞視前景都樂觀，應該冇問題，會有人買嘅！」

文：影視組