祖藍擺酒做「劊子手」得罪老朋友

王祖藍與李亞男在圈中人緣極佳，自然多人想到賀一番，難怪兩人為了賓客名單十分頭痛。

藝人王祖藍、黃翠如、林盛斌等昨日現身電視城，以嘉賓身份出席新兒童節目《Think big天地》宣傳活動。祖藍曾於2003年收費電視中做過兩個兒童節目，可謂出身自兒童節目，故他表示即使今次不用擔任主持，亦會義不容辭支持節目。

問到與未婚妻李亞男的婚禮籌備進度，祖藍笑言：「得罪好多人，我請晒啲同學嚟，但請唔到佢哋啲老婆，有朋友仲因為咁而唔嚟！（反面？）少少反面同嬲啦，嗰度可以擺67圍，但我計嚟計去都70幾圍！要再cut人！」他又笑言做了「婚禮劊子手」，又表示擺酒後會與亞男飛到上海及加拿大與她的家人吃飯！至於有否心理準備要被「玩新郎」?他說：「班姊妹依家好興奮呀！仲嫌玩一個鐘太少，（預幾多開門利是？）呢班姊妹都唔平！」另外，沙田婚姻處已於上月22日發出二人的擬結婚通知書。

李亞男	新兒童節目進行宣傳，無綫出動小朋友的最愛藝人出席撐場。	「藍男」的擬結婚通知書已出。

翠如教話劇冇人騷

同場的黃翠如獲節目監製陳旭亮邀請而來支持活動，曾在劇集《愛我請留言》中飾演朱古力姐姐一角的她，因角色而極受小朋友歡迎，不過小朋友就不聽她的話：「大學嗰陣教過小朋友話劇，但佢哋唔理我！（想做媽媽？）未想住！」2014落選港姐、「加國熙蕾」黃碧蓮有份主持節目，是她入行後首個正式工作，廣東話仍未靈光的她表示會事前翻譯稿件，問她會否希望拍劇？她說：「希望喺兒童組有好發展，自己啲廣東話都未講得好，怕拍劇會畀人鬧！」

文：影視組